ഒരു യാത്ര..

ഇടയ്ക്കിടെ തലകുത്തി മറിഞ്ഞ്
പെരുവെള്ള പാച്ചലിൽ മുങ്ങിത്താണ്

ഓളങ്ങൾക്കൊത്ത് ചാഞ്ചാടി തിമിർത്ത്
കടൽത്തിരയിലെന്ന പോലെയുയർന്ന്

ഉന്മാദ ലഹരിയിൽ എല്ലാം മറന്ന്
ആർത്തലച്ചങ്ങനെ പൊട്ടിച്ചിരിച്ച്

അന്യോനം മനസ്സുകൾ കുളിർ കോരിച്ച്
ഗതി മാറിയൊഴുകി മതിമറന്നു ലയിച്ച്

നനഞ്ഞൊട്ടിയ തലമുടിയും
തണുത്തു വിറയ്ക്കുന്ന ചുണ്ടുകളും

അവളോടൊത്ത് ഒഴുകുന്ന ഞാനും
എന്നെ പുണർന്നൊഴുകുന്ന അവളും...

പ്രിയപ്പെട്ടവരെ പിരിഞ്ഞ് ഒറ്റപ്പെട്ട യാത്ര
ദൂരെയുള്ള പ്രിയ മുഖങ്ങൾ ഓർത്തു പോയി.

പതുക്കെപ്പതുക്കെ പരിഭ്രാന്തി കുറഞ്ഞു
ഓളത്തിമിർപ്പിൽ  ചാഞ്ചാടുവാൻ മനസ്സും ശരീരവും പഠിച്ചു

എന്തു ബഹളക്കാരിയാണീ പുഴ..
ആദ്യമായിട്ടറിയുകയാണു ഞാനിവളെ.